Child has 2 (A-B) versions of The Battle of Harlaw [ A | B ] Version A Name: None Note: Communicated by Charles Elphistone Dalrymple, Esq., of Kinaldie, Aberdeenshire, in 1888, as obtained from the country people by himself and his brother fifty years before. b. Notes and Queries, Third Series, VII, 383, comsic- municated by A. Ferguson. 1 As I cam in by Dunidier, An doun by Netherha, There was fifty thousand Hielanmen A-marching to Harlaw. Wi a dree dree dradie druuitie dree. 2 As I cam on, an farther on, An doun an by Balquhain, Oh there I met Sir James the Rose, Wi him Sir John the Gryme. 3 '0 cam ye frae the Hielans, man? An cam ye a' the wey? Saw ye Macdonell an his men, As they cam frae the Skee?' 4 'Yes, me cam frae ta Hielans, man, An me cam a' ta wey, An she saw Macdonell an his men, As they cane frae ta Skee.' 5 'Oh was ye near Macdonell's men? Did ye their numbers see? Come, tell to me, John Hielanman, What micht their numbers be? 6 'Yes, me was near, an near eneuch, An me their numbers saw; There was fifty thousan Hielanmen A-marchin to Harlaw.' 7 'Gin that be true,' says James the Rose, 'We'11 no come meikle speed; 'We'11 cry upo our merry men, And lichtly mount our steed.' 8 'Oh no. oh no,' says John the Gryme. 'That thing maun never be; The gallant Grymes were never bate, We'11 try phat we can dee.' 9 As I cam on, an farther on, An doun an by Harlaw, They fell fu close on ilka side; Sic fun ye never saw. 10 They fell fu close on ilka side, Sic fun ye never saw; For Hielan swords gied clash for clash, At the battle o Harlaw. 11 The Hielanmen, wi their lang swords, They laid on us fu sair, An they drave back our merry men Three acres breadth an mair. 12 Brave Forbes to his brither did say, Noo brither, dinna ye see? They beat us back on ilka side, An we'se be forced to flee. 13 'Oh no, oh no, my brither dear, That thing maun never be; Tak ye your good sword in your hand, An come your wa's wi me.' 14 'Oh no, oh no, my brither dear, The clans they are ower strang, An they drive back our merry men. Wi swords baith sharp an lang.' 15 Brave Forbes drew his men aside, Said, Tak your rest a while, Until I to Drumminnor send, To fess my coat o mail. 16 The servan he did ride, An his horse it did na fail, For in twa hours an a quarter He brocht the coat o mail. 17 Then back to back the brithers twa Gaed in amo the thrang, An they hewed doun the Hielanmen, Wi swords baith sharp an lang. 18 Macdonell, he was young an stout, Had on his coat o mail, An he has gane oot throw them a', To try his han himsell. 19 The first ae straik that Forbes strack, He garrt Macdonell reel, An the neist ae straik that Forbes strack, The great Maedonell fell. 20 An siccan a lierachie I'm sure ye never saw As wis amo the Hielanmen, When they saw Macdonell fa. 21 An whan they saw that he was deid. They turnd an ran awa, An they buried him in Leggett's Den, A large mile frae Harlaw. 22 They rade, they ran, an some did gang, They were o sma record; But Forbes an his merry men, They slew them a' the road. 23 On Monanday, at mornin, The battle it began, On Saturday, at gloamin, Ye'd scarce kent wha had wan. 24 An sic a weary buryn I'm sure ye never saw As wis the Sunday after that, On the muirs aneath Harlaw. 25 Gin ony body speer at you For them ye took awa, Ye may tell their wives and bairnies They're sleepin at Harlaw. Version B Name: None Note: The Thistle of Scotland, 1823, p. 92. 1 As I cammm thro the Garrioch land, And in by Over Ha, There was sixty thonsan Highland men Marching to Harlaw. 11 The Highland men, with their broad sword, Pushd on in might and power, Till they bore back time red-coat lads Three furlongs long, and more. 15 Lord Forbes calld his men aside, Says, Take your breath awhile, Until I send my servant now To bring my coat o mail.